Karam Ki Ek Nazar Hum Par Khudaraya Rasool Allah ﷺ

Karam ki ek nazar hum par Khudaraya Rasool Allah ﷺ

Tumhi ho be saharon ka saharaya Rasool Allah ﷺ

Ghareebon ke hain data be kason ke aap wali hain

Mohabbat aap ki dil mein hai lekin hath khaali hain

Idhar bhi apni rehmat ka ishara ya Rasool Allah ﷺ

Pukara hai madad ko ya Nabi hum gham ke maron ne

Tumhare dar pe ja kar bheek mangi badshahon ne

Humein bhi aasra hai bas tumhara ya Rasool Allah ﷺ

Bane bigri hamari hum bhi hain kismat ke maron mein

Tumhein ummat hai pyari yaar tum Allah ke pyaron mein

Bacha lo dil tootne se dil hamara ya Rasool Allah ﷺ

Mera imaan hai aashiq ko jab bhi gham satate hain

Shehenshahe jahan uski madad ko pohanch jate hain

Kisi ne jab kahin se bhi pukara ya Rasool Allah ﷺ

Tadapta hai mera dil aur barasti been bohot aankhen

Madine ke nazaron ko tarasti hain bohot aankhen

Bula lo aab Madine mein Khudara ya Rasool Allah ﷺ