Kahin Na Dekha Zamane Bhar Mein Jo Kuch Madine Mein Aake Dekha

Kahin na dekha zamane bhar mein jo kuch Madine mein aake dekha

Tajaliyon ka laga hai mela jidhar nighahein utha kar dekha

Woh dekho dekho sunehri jali, idhar sawali udhar sawali

Qareeb se jo bhi unke guzra Huzoor ne muskara kar dekha

Ajeeb lazat hai bekhudi ki, ajab kashish hai dar-e-Nabi ki

Suroor kaisa hai kuch na poochho lipat ke sine laga ke dekha

Tawaaf roze ka kar rahi hain yahan wahan ashkbaar-e-aankhein

Hai goonj Sal-e-Alla ki har soo jahan, jahan pe bhi jaake dekha

Jahan gaye un ka zikr cheda jahan rahe un ki yaad aayi

Na gham zamane ke paas aaye Nabi ki naatein suna ke dekha

Zahoori jage naseeb tere bas ik nigha-e-karam ke sadqe

Ke baar baar apne dar pe tujh ko tere Nabi ne bula ke dekha