Kahan Mein Kahan Madh-e-Zaat-e-Garami
Kahan Mein Kahan Madh-e-Zaat-e-Garami
Kahan mein kahan madh-e-zaat-e-garami
Na Saadi na Roomi na Qudusi na Jami
Paseene paseene hua ja raha hoon
Kahan yeh zubaan aur kahan naam-e-naami
Salaam us shahenshah-e-har do sara par
Darood us imam-e-saf-e-anbiya par
Peyaami to be shak sabhi mohtaram hain
Magar Allah Allah khusoosi peyaami
Falak se zameen tak hai jashn-e-chiraghan
Ke tashreef late hain shah-e-rusoolan
Khusha jaluha-e-mahtab-e-mujassam
Zahe aamad-e-aftaab tamaami
Koi aisa haadi dikha de to jaanen
Koi aisa mohsin bata de to jaanen
Kabhi doston par nazar ehtaasabi
Kabhi dushmanon se bhi sheereen kalaami
Ita'at ke iqraar bhi har qadam par
Shafa'at ka iqraar bhi har nazar mein
Asulan khataon pe tanbeeh lekin
Mizaajan khata kaar bandon ke haami
Yeh aansu jo aankhon se meri rawaan hain
Aataaye shahenshah-e-kon-o-makaan hain
Mujhe mil gaya jaam-e-sehbaye kausar
Mere kaam aayi meri tashna kaami
Fakeeron ko kya kaam tabl o alam se
Gadawon ko kya fikr jaah o hashm ki
Abaon qabaon ka mein kya karunga
Ataa ho gaya mujh ko taj-e-ghulami
Inhein sadq-e-dil se bula ke to dekho
Nadamat ke aansu baha ke to dekho
Liye jao uqba mein naam-e-Muhammad (S.A.W)
Shafa'at ka zaamin hai ism-e-garami