Kabhi To Sabz Gumbad Ka Ujala Hum Bhi Dekhen Ge

Kabhi to sabz gumbad ka ujala hum bhi dekhen ge

Humein bulwaye ga aaqa Madina hum bhi dekhen ge

Dhadak uthay ga yeh dil ya dhadakna bhool jaye ga

Dil-e-Bismillah ka us dar par tamasha hum bhi dekhen ge

Adab se haath bandhe unke rozae par khare honge

Sunehri jaliyon ka yun manzar hum bhi dekhen ge

Dar-ein dolat se laut aya nahi jata koi khaali

Wahan khairat ka batna Khuda hum bhi dekhen ge

Barasti gumbad-e-Khazra se takrati hui boonden

Wahan par shaan se barish barasna hum bhi dekhen ge

Guzare raat din apne isi umeed par hum ne

Kisi din to jamal-e-rooh-e-zeba hum bhi dekhen ge

Dam-e-rukhsat qadam man bhar ke hai mehsoos karte hain

Kise hai ja ke lautane ka yaran hum bhi dekhen ge

Pohanch jayenge jis din ae Ujagar unke qadamoon mein

Kise kehte hain jannat ka manzar hum bhi dekhen ge

Kabhi to sabz gumbad ka ujala hum bhi dekhen ge

Humein bulwaye ga aaqa Madina hum bhi dekhen ge