Kaabay Ki Ronaq Kaabay Ka Manzar, Allahu Akbar, Allahu Akbar

Kaabay ki ronaq kaabay ka manzar, Allahu Akbar, Allahu Akbar

Dekhoon to dekhe jaaon barabar, Allahu Akbar, Allahu Akbar

Hairat se khud ko kabhi dekhta hoon aur dekhta hoon kabhi main haram ko

Laya kahaan mujh ko mera muqaddar, Allahu Akbar, Allahu Akbar

Hamd khuda se tar hain zubaanay, kaanon mein ras gholti hain azaanay

Bas ek sada aa rahi hai barabar, Allahu Akbar, Allahu Akbar

Qatray ko jaise samete samundar, mujh ko samete mataaf apne andar

Jaise samete aaghosh-e-madar, Allahu Akbar, Allahu Akbar

Maangi hain maine jitni duaaen, manzoor hon gi maqbool hon gi

Mezaab-e-rehmat hai mere sar par, Allahu Akbar, Allahu Akbar

Yaad aa gayeen jab apni khataayen, ashkon mein dhalnay lagi iltijaayen

Roya ghilaaf-e-kaaba pakad kar, Allahu Akbar, Allahu Akbar

Apni ata se bulwa liya hai, mujh par karam mere Rab ne kiya hai

Pohcha hateem-e-kaaba ke andar, Allahu Akbar, Allahu Akbar

Bheja hai jannat se tujh ko khuda ne, chuma hai tujh ko khud Mustafa ne

Ae sang-e-aswad tera muqaddar, Allahu Akbar, Allahu Akbar

Jis par Nabi ke qadam ko sajaya, apni nishani kehkar bataya

Mahfooz rakha Rab ne woh pathar, Allahu Akbar, Allahu Akbar

Mahshar mein ho na mujhe pyaas ka dar, hoon meharbaan mujh par saaqi-e-kausar

Rab se dua ki zam zam ko pi kar, Allahu Akbar, Allahu Akbar

Dekha Safa bhi Marwa bhi dekha, Rab ke karam ka jalwa bhi dekha

Dekha rowaan ek suron ka samundar, Allahu Akbar, Allahu Akbar

Kaabay ke o par se jaate nahin hain, kis ko adab yeh sikhate nahin hain

Kitne modab hain yeh kabootar, Allahu Akbar, Allahu Akbar

Tere karam ki kya baat Moula, tere haram ki kya baat Moula

Taa umr kar de aana muqaddar, Allahu Akbar, Allahu Akbar

Moula Sabih aur kya chahta hai, bas maghfirat ki ata chahta hai

Bakhshish ke taalib pe apna karam kar, Allahu Akbar, Allahu Akbar