Kaaba Ke Badar-ud-duja Tum Pe Karoron Durood
Kaaba Ke Badar-ud-duja Tum Pe Karoron Durood
Kaaba ke badar-ud-duja tum pe karoron durood
Tayba ke shams-uz-zuha tum pe karoron durood
Shafi'e roz-e-jaza tum pe karoron durood
Dafi'e jumla bala tum pe karoron durood
Jaan-o-dil-e-asfiya tum pe karoron durood
Aab-o-gil-e-anbiya tum pe karoron durood
Layein to yeh doosra doosra jisko mila
Koshk-e-arsh-o-dana tum pe karoron durood
Aur koi ghaib kya tum se nihaan ho bhala
Jab na Khuda hi chhupa tum pe karoron durood
Toor koh-e-Kaleem pe jo shama tha chaand tha
Saa’eer koh-e-Masih ka nayyir-e-Faran hua tum pe karoron durood
Dil karo thanda mera woh kaf-e-pa chaand sa
Seena pe rakh do zara tum pe karoron durood
Zaat hui intikhaab wasf hue lajawab
Naam hua Mustafa tum pe karoron durood
Ghayat-o-illat sabab bahar-e-jahan tum ho sab
Tum se bana tum bina tum pe karoron durood
Tum se jahan ki hayat tum se jahan ka sabat
Asal se hai zill bandha tum pe karoron durood
Maghz ho tum aur poost aur hain baahar ke dost
Tum ho daroon-e-sara tum pe karoron durood
Kya hain jo be-had hain lauth tum to ho ghaith aur ghous
Cheentay mein hoga bhala tum pe karoron durood
Tum ho Hafeez-o-Mughis kya hai woh dushman khabees
Tum ho to phir khauf kya tum pe karoron durood
Woh shab-e-me'raaj raaj woh saf-e-mahshar ka taaj
Koi bhi aisa hua? Tum pe karoron durood
Nuhta falaah-ul-falaah ruhta faraah-ul-maraah
Ud liya'ood-al-hana tum pe karoron durood
Jaan-o-jahaan-e-Masih daad ke dil hai jareeh
Nabzain chhutin dam chala tum pe karoron durood
Uff woh raah-e-sanglaakh aah yeh paa shaakh shaakh
Ae mere mushkil-kusha tum pe karoron durood
Tum se khula baab-e-jood tum se hai sab ka wajood
Tum se hai sab ki baqa tum pe karoron durood
Khasta hoon aur tum ma’aaz basta hoon aur tum malaaz
Aagay jo Sheh ki raza tum pe karoron durood
Garchay hain be-had qusoor tum ho 'Affuw-o-Ghafoor
Bakhsh do jurm-o-khata tum pe karoron durood
Mehr-e-Khuda noor noor dil hai siyah din hai door
Shab mein karo chaandna tum pe karoron durood
Tum ho shaheed-o-baseer aur main gunaah par daleer
Khol do chashm-e-haya tum pe karoron durood
Cheent tumhari sahar chhoot tumhari qamar
Dil mein racha do ziya tum pe karoron durood
Tum se Khuda ka zuhoor us se tumhara zuhoor
Lim hai yeh woh in hua tum pe karoron durood
Be-hunar-o-be-tameez kis ko huye hain azeez
Ek tumhare siwa tum pe karoron durood
Aas hai koi na paas ek tumhari hai aas
Bas hai yahi aasra tum pe karoron durood
Taarim-e-aala ka arsh jis kaf-e-pa ka hai farsh
Aankhon pe rakh do zara tum pe karoron durood
Kehne ko hain aam-o-khaas ek tumhi ho khalas
Band se kar do riha tum pe karoron durood
Tum ho shifa-e-marz khalq-e-Khuda khud gharz
Khalq ki haajat bhi kya tum pe karoron durood
Aah woh raah-e-siraat bandon ki kitni bisaat
Almadad ae rehnuma tum pe karoron durood