Jobano Par Hai Bahar-e-chaman Aarai Dosti
Jobano Par Hai Bahar-e-chaman Aarai Dosti
Jobano par hai bahar-e-chaman aarai dosti
Khuld ka naam na le bulbul-e-shedai dost
Thak ke baithe to dar-e-dil pe tamanai dosti
Kaun se ghar ka ujala nahi zebai dost
Arsa-e-hashr kaja mauqaf-e-mahmood kaja
Saaz hangamon se rakhti nahi yaktai dost
Mehr kis muh se jalo daari-e-janan karta
Saya ke naam se bezaar hai yaktai dost
Marne walon ko yahan milti hai umr-e-javed
Zinda chhoregi kisi ko na masihai dosti
Unko yakta kiya aur khalq banai yani
Anjuman kar ke tamasha karein tanhai dost
Kaaba o arsh mein kehraam hai nakaami ka
Ah kis bazm mein hai jalo-e-yaktai dost
Husn be parda ke parde ne mita rakha hai
Dhoondhne jaayein kahan jalo-e-harjai dost
Shoq roke na ruke paon uthaye na uthe
Kaisi mushkil mein hain Allah tamanai dosti
Sharam se jhukti hai mehrab ke sajid hain Huzoor
Sajda karwati hai Kaaba se jabeen sai dost
Taj walon ka yahan khaak pe matha dekha
Sare daraon ki dara hui darai dosti
Toor par koi, koi charh pe ye arsh se paar
Sare balaon pe bala rahi balai dost
Anta feehim ne adu ko bhi liya daaman mein
Aish-e-javed mubarak tujhe shedai dost
Ranj-e-adua ka Raza chara hi kya hai jab inhein
Aap gustakh rakhe hilm o shakeebai dost