Jo Teri Sana Mein Na Ho Fana
Jo Teri Sana Mein Na Ho Fana
Jo teri sana mein na ho fana
Mujhe wo zubaan nahi chahiye
Tire pyar mein hain mere rutain
Mujhe ye jahan nahi chahiye
Tiri khaak-e-paa hai meri hina
Tera aks bhi mera aaina
Main faqat nazar to nazara gar
Mujhe tu kahaan nahi chahiye
Jo nazar mein ho tera roop bhi
Shab-e-maah lagti hai dhoop bhi
Tiri rehmaten jo panaah dein
Koi saaye-e-baan nahi chahiye
Mere saans hoon tiri chaap ho
Falak o zameen ka milaap ho
Tiri roshni ke siwa koi
Sar-e-kooye-jaan nahi chahiye
Mere dhyaan ko wo rasai de
Mujhe tu yehi se dikhai de
Koi vaasta koi raasta
Koi karwan nahi chahiye
Ye tera Muzaffar khush nawa
Jise maante hain shah o gada
Tire sang-e-dar pe mare agar
To koi nishaan nahi chahiye