Jo Ishq Nabi Ke Jalwoon Ko Seenoon Mein Basaya Karte Hain

Jo ishq Nabi ke jalwoon ko seenoon mein basaya karte hain

Allah ki rehmat ke badal un logon pe saya karte hain

Jab apne ghulamon ki Aaqa taqdeer banaya karte hain

Jannat ki sanad dene ke liye roza pe bulaya karte hain

Makhlooq ki bigrri banti hai, Khaaliq ko bhi pyar aata hai

Jab behr-e-dua Mehboob-e-Khuda haathon ko uthaya karte hain

Ae doulat-e-irfan ke mangto, is dar pe chalo jis dar pe sada

Din raat khazane rehmat ke Sarkar lutaya karte hain

Gardaab bala mein phans ke koi Tayyiba ki taraf takta hai

Sultan-e-Madina khud akar, kashti ko taraya karte hain

Woh naza ki sakhti ho ae dil, ya qabr ki mushkil manzil ho

Woh apne ghulamon ki aksar imdad ko aaya karte hain

Hai shughul hamara shaam o seher aur naaz Sikandar qismat par

Mehfil ki Rasool-e-Akram ki hum naat sunaya karte hain