Jis Ke Hathon Mein Hai Zulfiqar-e-Nabi
Jis Ke Hathon Mein Hai Zulfiqar-e-Nabi
Jis ke hathon mein hai Zulfiqar-e-Nabi
Jis ke pehlu mein hai Rahwar-e-Nabi
Dukhtar-e-Mustafa jis ki dulhan bani
Jis ke beto se nasl-e-Nabi hai chali
Haan wohi haan wohi woh Ali Wali
Naara-e-Haidari Ya Ali Ya Ali
Jis ke bare mein farmaen pyare Nabi
Jis ka Mola hoon main us ka Mola Ali
Jis ki talwar ki jag mein shohrat hui
Jis ke kanbe mein rasm-e-shujaat chali
Haan wohi haan wohi woh Ali Wali
Naara-e-Haidari Ya Ali Ya Ali
Jis ki Shah-e-Vilayat ka darja mila
Jeete ji jis ko jannat ka mujda mila
Syed-e-Do Jahan jis ko rutba mila
Silsile saare jis par hue muntahi
Haan wohi haan wohi woh Ali Wali
Naara-e-Haidari Ya Ali Ya Ali
Jo Ali ka hua woh Nabi ka hua
Ya Ali keh diya sara gham tal gaya
Woh hain Khyber Shikan aur Sher-e-Khuda
Naam se un ke har ranj o kulfat tali
Haan wohi haan wohi woh Ali Wali
Naara-e-Haidari Ya Ali Ya Ali
Syedon ke wohi jad-e-a'la bhi hain
Mere Nana bhi hain mere dada bhi hain
Mere Aaqa bhi hain mere Mola bhi hain
Nazmi woh hi Safi o Naji woh Razi
Haan wohi haan wohi woh Ali Wali
Naara-e-Haidari Ya Ali Ya Ali