Janib-e-Manzil-e-Mehboob Safar Mera Hai

Janib-e-manzil-e-mehboob safar mera hai

Haaye kis alam-e-masti mein guzar mera hai

Aaj har ashk mein rangeeni o ranai hai

Qaabil-e-deed har ik laal o gohar mera hai

Jin ko jalo ko tarasti hai malaaik ki nazar

Unhi rastaon, unhi raahon mein guzar mera hoga

Jise kehte hain Madina, woh hai jannat meri

Jise kehta hai jahan Tayyaba, woh ghar mera hai

Shukar-e-ezid dar rehmat pe jabeen hai meri

Shukar-e-ezid dar sarkar pe sar mera hai

Shaq ka baar farishton se uthaya na gaya

Ishq ko maine sada di, yeh jigar mera hai