Jahl Ka Sarur-E-Iblaagh Pe Khum Tu Ne Kiya
Jahl Ka Sarur-E-Iblaagh Pe Khum Tu Ne Kiya
Jahl ka sarur-e-iblaagh pe khum tu ne kiya
Zulmat-e-kufr ko khursheed-e-haram tu ne kiya
But parasti bhi kheench aaee sada par teri
Deedah-e-sang ko kis pyar se nam tu ne kiya
Jis se inkaar koi qaum nahi kar sakti
Aadmiyat pe woh ehsan woh karam tu ne kiya
Chaand taron se bhi aage thi rasai teri
Aasmanon ko musharraf bah qadum tu ne kiya
Khaas thehri to faqat teri nabuwat thehri
Aam Allah ko Allah qasam tu ne kiya
Chal paren log bhatk kar na juda raston par
Is liye deen mein duniya ko bhi zam tu ne kiya
Is qadar to koi maan bhi na tadapti hogi
Jis qadar umat-e-beemar ka gham tu ne kiya
Ta abad ilm ki dunyain karega aabaad
Harf jo waqt ki lehron pe raqam tu ne kiya
She'r goyi to Muzaffar ko Khuda ne bakhshi
Apna madah isay Shah-e-umm tu ne kiya