Jab Wo Safar Par Jaya Karte
Jab Wo Safar Par Jaya Karte
Jab wo safar par jaya karte
Sar par badal saya karte
Un ka naam labon par aaye
Meetha meetha munh ho jaye
Un ke bol baharon jaise
Aur ashab sitaron jaise
Un sa pyara aur na koi
Un se bichhad kar lakdi royi
Un ki zaat ik shehr nirala
Ilm us shehr ka rehne wala
Kaise log the makke wale
Rooh ke andhe dil ke kaale
Ras na aaya unhein ujala
Chaand ko shehr badar kar dala
Jis banaye chaand sitare
Roshniyon ke chashme saare
Us ne unhein pasand kiya hai
Un ka zikr buland kiya hai
Sadiq aur Amin wohi hain
Taha aur Yasin wohi hain
Moula ki pehchan wohi hain
Sab se bade insaan wohi hain
Woh mehmaan arsh e mualla
Shaan e Muhammad Allah Allah
Rehmat un ki alam alam
Sallallahu alaihi wa sallam