Jab Masjid E Nabvi ﷺ Ke Menaar Nazar Aaye

Jab masjid e nabvi ﷺ ke menaar nazar aaye

Allah ki rehmat ke asaar nazar aaye

Manzar ho bayan kaise, alfaaz nahi milte

Jis waqt Muhammad ﷺ ka darbaar nazar aaye

Bas yaad raha itna seene se lagi jaali

Phir yaad nahi kya kya anwaar nazar aaye

Dukh dard ke maaron ko gham yaad nahi rehtay

Jab samne aankhon ke gham khwaar nazar aaye

Makay ki fizaon mein, Tayba ki huaon mein

Hum ne to jidhar dekha sarkar ﷺ nazar aaye

Chhor aaya Zahoori mein dil o jaan Madine mein

Ab jeena yahan mujh ko dushwaar nazar aaye