Izne Tayba Ata Kijiye
Izne Tayba Ata Kijiye
Izne tayba ata kijiye
Phir karam Mustafa kijiye
Phir madine me aa jayein hum
Aisa ahsaan shaha kijiye
Lo madina qareeb aagaya
Zairo! aankh wa kijiye
Sabz gunbad par aye zairo!
Jaan apni fida kijiye
De ke gham apna duniya ke har
Ranj o gham ki da kijiye
Raat din kaash! roya karoon
Aisi riqat ata kijiye
Ik nazar hi ki to baat hai
Mast o bikhud shaha kijiye
Koi phera ghareebon ke ghar
Khair se sarwara kijiye
Zor-e toofan hai nakhala
Par beera mera kijiye
Mahi milad phir aagaya
Zikr, milad ka kijiye
Chherna ho jo shaitan ko
Un ka charcha kia kijiye
Azpay shah-e karb o bala
Door ranj o bala kijiye
Apne kadmon me madfan ata
Ya Rasool-e Khuda kijiye
Qabar mei ghup andhera hai aap
Aakar ab chaandna kijiye
Pyare aqa khazana mujhe
Aansooon ka ata kijiye
Hasidoon se hasad ka maraz
Door ya Mustafa kijiye
Sare ada ka khana kharab
Ya Ali murtaza kijiye
Dushmanon se na hargiz daroon
Housla wo ata kijiye
Mere sare mohibeen ko
Jam-e ulfat ata kijiye
Jis qadar mere ahbab hain
Shah! Sab ka bhala kijiye
Aah! Mujrim hai mizan par
Palla bhaari mera kijiye
Paas husn-e amal hai kahan!
Lutf shah-e dana kijiye
Aah! Tareeki-e pul sirat!
Rehm shams-ud-duha kijiye
Fard-e jurm aah! Aayed hui
Ab shafaat shaha kijiye
Leke dozak malaik chale
Aap aakar riha kijiye
Khana jaye kahin mujhe aag
Rehm o lutf o ata kijiye
Ab shafaat paye ahl-e bait
Ya shafi ulwara kijiye
Chaar yaron ka sadqa shaha
Khuld mein ja ata kijiye
Izne, Attar ko ab huzoor
Hazri ka ata kijiye