Ishq E Ahmed ﷺ Chahiye, Hub E Madina Chahiye

Ishq e Ahmed ﷺ chahiye, hub e Madina chahiye

Jo unhe dekha kare woh chashm e beena chahiye

Zindagi aur maut dono un ke gham mein hon basar

Aisa marna chahiye is tarah jeena chahiye

Aisi khushbu, ta abad jis ka asar zaail na ho

Jism e Sarkar e Madina ka paseena chahiye

Barish e anwar barse gi musalsal subah tak

Zikr e Noor e Mustafa mein ik shabeena chahiye

Manzil e hub e ilahi tak pohanchne ke liye

Sarwar e kounain ki ulfat ka zeena chahiye

Hashr ke selaab mein mehfooz rehne ke liye

Aal e Ahmed ﷺ ki mohabbat ka safeena chahiye

Hai teri dargah mein ya Rab tamannaye Riyaz

Dafn hone ke liye khaak e Madina chahiye