Imam Ghous Awliya Ke Muqtada Ali Ali

Imam Ghous Awliya ke Muqtada Ali Ali

Jari Shuja Mutaqi Karam Sakha Ali Ali

Hasan Hussain ki Haseen yaad muskra uthhi

Humare dil ki dhadkanon ne jab kaha Ali Ali

Bas ek lafz mein chhupi hain Murtaza ki khislaten

Huzoor Shehr-e-Ilm aur Ba Baha Ali Ali

Mareez-e-Ranj o Gham ke sar se tal gaye tamaam dukh

Mareez-e-Gham ke dil pe jab bhi dam kiya Ali Ali

Ghadeer-e-Khum pe Khutba e Huzoor yaad aa gaya

Ada hua meri zuban se barha Ali Ali

Dikhai dengi khwab mein Najaf ki sari raunakain

Agar zuban ki nok par saja liya Ali Ali

Ragon mein daudne lagin qarar ki nishaniyan

Kisi ne jab humare kaan mein parha Ali Ali