Ilm Ke Shehar Ka Darwaza Ka'ba Ki Deewar Ali

Ilm ke shehar ka darwaza Ka'ba ki deewar Ali

Darya-e-la ilaha illAllah ke idhar Ali, us paar Ali

Qafla'e jurrat ka gajjar, aik akela bhi lashkar

Allah ke pyare ki sipar Allah ki talwar Ali

Manbar Ali azaan Ahmed (ﷺ), rehl Ali Qur'an Ahmed (ﷺ)

Mukhtar Yazdaan Ahmed (ﷺ), Ahmed (ﷺ) ka mukhtar Ali

Taaj shahi pa-poush Nabi (ﷺ) qurb-e-khuda aaghosh Nabi (ﷺ)

Takht do-aalam dosh Nabi (ﷺ), dosh Nabi (ﷺ) ka sawaar Ali

Qatra qatra usay peeoon aur samandar kehlan

Mere ishq shumaare ki qistain silsila war Ali

Hanfiyat ka main baalak ahl-e-bait ka le paalak

Ali ka haajat mand hoon main mujh ko hai darkar Ali

Jab aansoo mashal ho jaayein shangein Maktal ho jaayein

Rooh ke registaano par barse mousla dhar Ali

Mera harf istidlal hubb-e-Ali se maala maal

Daaloon us ke gird dhamal main parkar, madar Ali

Sajda roshan jabeen lagoon sheesha ain al-yaqeen lagoon

Main bhi kitna haseen lagoon mera haar singhaar Ali

Sikka jaan chal jaaye agar us se khareedo aik nazar

Meri jeb main theekriyaan, heeron ka bazaar Ali

Us ko jitni baar parha us ki taraf kuch aur barha

Ab ye Muzaffar Alam hai sog Ali tehwaar Ali