Ilahi Hamd Se Aajiz Hai Ye Sara Jahan Tera

Ilahi hamd se aajiz hai ye sara jahan tera

Jahan walon se keun kar ho sake zikar o bayaan tera

Zameen o aasman ke zarre zarre mein tere jalwe

Nigaahon ne jidhar dekha nazar aaya nishaan tera

Thikana har jagah tera samajhte hain jahan wale

Samajh mein aa nahi sakta thikana hai kahan tera

Tera mehboob paighambar teri azmat se waqif hai

Ke sab nabiyon mein tanha hai wohi ek raazdan tera

Jahan-e-rang o boo ki wus'aton ka raazdan tu hai

Na koi humsafar tera na koi kaarwaan tera

Teri zaat-e-mualla aakhri tareef ke laayak

Chaman ka patta patta roz o shab hai naghma khwaan tera