Huzoor! Aisa Koi Intizam Ho Jaaye

Huzoor! aisa koi intizam ho jaaye

Salam ke liye hadir ghulam ho jaaye

Nazar se choom loon ik bar sabz gunbad ko

Bila se phir meri duniya mein sham ho jaaye

Tajaliat se bhar loon main kasai dill o jaan

Kabhi jo unn ki gali mein qiyam ho jaaye

Huzoor aap jo chahein to kuch nahi mushkil

Simat ke faisla ye chand gaam ho jaaye

Huzoor aap jo sun lein to baat ban jaaye

Huzoor aap jo keh dein to kaam ho jaaye

Mile mujhe bhi zubaan-e-Busiri o Jaami

Mera kalam bhi maqbool-e-aam ho jaaye

Maza to jab hai farishte ye qabr mein keh dein

Sabiha! madah-e-khair-ul-anaam ho jaaye