Hum Khaak Hain Aur Khaak Hi Mawaa Hai Hamara

Hum khaak hain aur khaak hi mawaa hai hamara

Khaaki to woh aadam jad a'laa hai hamara

Allah humein khaak kare apni talab mein

Ye khaak to sarkar se tamgha hai hamara

Jis khaak pe rakhte the qadam sayyid-e-aalam

Us khaak pe qurbaan dil-e-sheida hai hamara

Kham ho gayi pusht-e-falak is ta'an-e-zameen se

Sun hum pe Madina hai woh rutba hai hamara

Is ne laqab-e-khaak shahenshah se paaya

Jo Haider-e-karrar ke maula hai hamara

Ae mad'diyo! khaak ko tum khaak na samjhe

Is khaak mein madfoon shah-e-batha hai hamara

Hai khaak se taameer mazaar-e-shah-e-kounain

Ma'moor is hi khaak se qibla hai hamara

Hum khaak urayenge jo woh khaak na payi

Aabaad Raza jis pe Madina hai hamara