Har Lahza Hai Momin Ki Nai Shaan Nai Aan

Har lahza hai momin ki nai shaan nai aan

Guftaar mein kirdar mein Allah ki burhan

Qahari o ghaffari o quddusi o jabroot

Yeh chaar anasir hon to banta hai musalman

Hamsaya Jibreel Ameen banda e khaaki

Hai is ka nishan, na bukhaara badakhshaan

Yeh raaz kisi ko nahi maloom ke momin

Qari nazar aata hai haqeeqat mein hai Qur'an

Qudrat ke maqsad ka ayyar us ke irade

Duniya mein bhi meezan, qayamat mein bhi meezan

Jis se jigar laala mein thandak ho woh shabnum

Daryaon ke dil jis se dehl jaayein, woh toofaan

Fitrat ka surud-e-azli is ke shab o roz

Aahang mein yakta sifat-e-surah Rahman

Bante hain meri kargah-e-fikr mein anjum

Le apne muqaddar ke sitare ko tu pehchaan