Hamesha Qarya-e-Ummi Laqab Mein Rehte Hain

Hamesha qarya-e-ummi laqab mein rehte hain

Jahan kahin bhi hon had-e-adab mein rehte hain

Azal ke din se hain tere ghulam ibn-e-ghulam

Gharor-e-nisbat o fakhr-e-nasab mein rehte hain

Sawad-e-rooh mein sal-e-ala ki khushboo hai

Sana ke harf jo daaman-e-lab mein rehte hain

Gudaaz-e-naat, bashar dosti sikhata hai

Har aik shakhs se milte hain sab mein rehte hain

Nawazta hai woh shahriyat apne qarya ki

Ajam nizaad, dayar-e-arab mein rehte hain

Riyaz unko hi milta hai hazri ka sharaf

Jo un ki yaad, jo un ki talab mein rehte hain