Hai Nishan-e-Azmat-e-Adam Nishan-e-bo Turab

hai nishan-e-azmat-e-adam nishan-e-bo turab

sun lab-e-ayyam se ezaaz o shan-e-bo turab

badr o khyber ki zameen ka zarra zarra aaj bhi

keh raha hai chupke chupke dastan-e-bo turab

gul aqeedat ke lutate hi rahain ge andleeb

lehla hata hi rahe ga gulistan-e-bo turab

taa abad jari rahe ga chashma-e-faiz-e-ali

aur peete hi rahe ge taliban-e-bo turab

manba-e-faqr o wilayat hai dar-e-sher-e-khuda

marja shah o gada hai aastan-e-bo turab

chashm-e-geeti ko woh manzar bhool sakta hi nahi

jis tarah loota falak ne kaarwan-e-bo turab

jaam kausar se rahe mehroom ho sakta nahi

taib khush bakht ke hai madah khuwan-e-bo turab