Hai Nirale Josh Par Kuch Aaj Faizaan-e-Rasool ﷺ

hai nirale josh par kuch aaj faizaan-e-Rasool ﷺ

jholiyan bhar bhar kar le jaayein gadyan-e-Rasool ﷺ

hain ramooz-e-kun fa kaan aainah jin par mo bamo

marhaba kia hi haqeeqat been hain chashman-e-Rasool ﷺ

hain yad Allah foq aidihim ke gajre haath mein

hain muridan-e-Khuda saare muridan-e-Rasool ﷺ

roz-e-mahshar aftaab-e-hashr ho jab shola bar

saaya afgan ho siyah karon pe daman-e-Rasool ﷺ

sar nago ho mehr gardon wo hai un ki shama bazm

rashk khayein arsh o kursi wo hai ewaan-e-Rasool ﷺ

khufta bakhti tale b-y-dar ho jaye meri

khwaab mein gar dekh paoon mein shabistan-e-Rasool ﷺ

man raani qad ra-al-haq dekh lo aye zaahido

hai jamal-e-zaat-e-baari rou-e-taaban-e-Rasool ﷺ

aala Hazrat sidi Ahmed Raza ke faiz ne

kar diya hai mujh ko nayer manqabat khwan-e-Rasool ﷺ