Hai Do Jahan Mein Muhammad (S.a.w) Ke Noor Ki Raunaq

Hai do jahan mein Muhammad (S.A.W) ke noor ki raunaq

Zameen o arsh bareen pe Huzoor (S.A.W) ki raunaq

Shafaq ka rang, sitaaron ki zou, qamar ki zia

Habeeb-e-Paak (S.A.W) ke noor o zuhoor ki raunaq

Nigah-e-Saqi-e-Kausar ke faiz ka sadqa

Simat gayi mere saaghar mein toor ki raunaq

Qadam qadam pe hai masti haseen khayalon ki

Nazar nazar mein hai jaam-e-Ta’hoor ki raunaq

Koi musafir Taiba ki aankh se dekhe

Ghubaar-e-raah ke kaif o saroor ki raunaq

Zahooree (S.A.W) madhat-e-mahboob (S.A.W) ki nawazish hai

Mere sakhan mein hai fikr o shaoor ki raunaq