Habeeb E Kibriya Ke Dohr Mein Tashreef Lanay Par

Habeeb e Kibriya ke dohr mein tashreef lanay par

Andheray chhat gaye anwar barse hain zamanay par

Shaoor aagahi bakhsha hai jin ki zaat e wala ne

Buta'n e dohr oondhay munh gire hain un ke anay par

Main aksar sochta hoon is ghari kya kefiyat hogi

Achanak jab main pahunchon ga Nabi ke aastane par

Parinday subah dum sal e Ali ka wird karte hain

To kiranen noor barsaati hain un ke aashiyanay par

Nazar ko mawarde dolat konain pata hoon

Jhuka hai jab se dil mukhtar e kul ke aastane par

Mere ghar mein qadam ranja hue mehboob e subhani

Yeh naemat maine payi ka'ba e dil ko sajaane par

Hameed! altaf ke gohar mujhe Sarkar ne bakhshay

Hadees e dard o gham ashkon ke lehjay mein sunanay par