Haal-e-dil Kis Ko Sunayein Aap ﷺ Ke Hote Hue

Haal-e-dil kis ko sunayein aap ﷺ ke hote hue

Kyun kisi ke dar pe jayein aap ﷺ ke hote hue

Main ghulaam Mustafa ﷺ hoon yeh meri pehchaan hai

Gham mujhe kyun kar satayein aap ﷺ ke hote hue

Shaan-e-mahboobi dikhayi jaye gi mahshar ke din

Kaun dekhe ga khataayen aap ﷺ ke hote hue

Zulf-e-mahboob Khuda lehraaye gi mahshar ke din

Khoob yeh kis ki ghataayein aap ﷺ ke hote hue

Main yeh kaise maan jaaon shaam ke bazaar mein

Cheen le koi rdaayein aap ﷺ ke hote hue

Apna jeena apna marna ab isi chokhat pe hai

Hum kahaan sarkar jayein aap ﷺ ke hote hue

Keh raha hai aap ka Rab "Anta Fehem" aap se

Main inhein doon kyun sazayein aap ﷺ ke hote hue

Yeh to ho sakta nahin hai yeh baat mumkin hi nahin

Mere ghar mein gham aa jayein aap ﷺ ke hote hue

Kaun hai Altaf apna haal dil kis se kahein

Zakhm dil kis ko dikhayein aap ﷺ ke hote hue