Guzray Jis Raah Se Woh Sayyid-e-waala Ho Kar

Guzray jis raah se woh sayyid-e-waala ho kar

Reh gayi saari zameen anbar-e-saara ho kar

Rukh-e-anwar ki tajalli jo qamar ne dekhi

Reh gaya bosa dah-e-naqsh-e-kaf-e-paa ho kar

Waaye mehroomi-e-qismat keh main phir ab ki baras

Reh gaya hamrahi-e-zowwaar-e-madina ho kar

Chaman-e-taiba hai woh bagh keh murgh-e-sidra

Barson chehkay hain jahan bulbul-e-sheida ho kar

Sarsar-e-dasht-e-madina ka magar aaya khayaal

Rashk-e-gulshan jo bana ghuncha-e-dil waa ho kar

Gosh-e-sheh kehte hain faryaad-rasi ko hum hain

Wa’ada-e-chashm hai bakhsayenge goya ho kar

Paaye sheh par gire ya rab tapish-e-mehr se jab

Dil-e-baytaab urae hashr mein paara ho kar

Hai ye umeed Raza ko teri rehmat se sheha

Na ho zindani-e-dozakh tera banda ho kar