Gunah Gaaron Ko Hatef Se Naveed Khush Maali Hai

Gunah gaaron ko hatef se naveed khush maali hai

Mubarak ho shafa'at ke liye Ahmed sa waali hai

Qaza haq hai magar is shauq ka Allah waali hai

Jo un ki raah mein jaaye woh jaan Allah waali hai

Tera qad-e-mubarak gulban-e-rehmat ki daali hai

Ise bou kar tere Rab ne bana rehmat ki daali hai

Tumhari sharam se shaan-e-jalal haq tapakti hai

Kham-e-gardan hilaal-e-aasman-e-zuljalaali hai

Zahe khud gum jo gum hone pe ye dhoondhe ke kya paaya

Are jab tak ke paana hai jabhi tak hath khaali hai

Main ik mohtaaj be-waqat gada tere sag-e-dar ka

Teri sarkar wala hai tera darbaar aali hai

Teri bakhshish pasandi, uzr joi, tauba khahi se

Umoom-e-be-gunahi, jurm shaan-e-la ubali hai

Abu Bakr o Umar Usman o Haider jiske bulbul hain

Tera sarv-e-sahi is gulbun-e-khobi ki daali hai

Raza qismat hi khul jaaye jo Geelan se khitaab aaye

Ke tu adna sag-e-dargaah-e-khuddam-e-ma'ali hai