Gumbad-e Aafaq Mein Roshan Hui Shama’-e Najat
Gumbad-e Aafaq Mein Roshan Hui Shama’-e Najat
Gumbad-e aafaq mein roshan hui shama’-e najat
Lehlahayi zulf-e lelay-e zumoos-e shash jahaat
Khul raha hai aasman par ghrufah-e zaat o sifat
Uth raha hai burqa’-e salma’-e rooh-e kainaat
Zindagi, ilm o farasat ka maza chakhne ko hai
Farsh par aflaak ki azmat, qadam rakhne ko hai
Aasman nikhra, ubharta aarha hai aftab
Uth raha hai ru’-e israr o haqaiq se naqaab
Khul rahi hai zehan par idraak o ‘irfan ki kitab
Keh rahi hai zindagi, ya laytani kuntu turab
‘Arifon ko mujda, shah-e ‘arifan aanay ko hai
Ae zameen sajday mein gir ja! Aasman aanay ko hai
Us ke aate hi nabowat ka nishaan khul jaye ga
‘Uqda-e derina-e rooh-e jahan khul jaye ga
Qufl-e ewan-e umoor-e ein o aan khul jaye ga
Ganj-e fikr o bab-e asrar-e nahan khul jaye ga
Fash kar de ga rumooz-e andak o besyar ko
Khol de ga ghrufe hai saabit o seyyaar ko
Lo woh damka matla-e siddqu safa par aftab
Aasman-e ‘aql o danai par woh jhoome saheb
Lo woh aaya sahab-e safe o qalam gardoon janab
Marhaba woh aaye bazm-e aab o gil mein bo turab
Lo, woh loh-e dahr par naqsh-e jali paida hua
No’-e insaan ko mubarak ho ! Ali paida hua
Aap ke aate hi badla, zindagi ka har nidham
Ho gaya duniya mein lutf-e khaas se, fezan-e 'aam
Peshwai ka kiya ka'ba ne az khud ahataam
Baadah siddq o safa ke aaye gurdish mein jaam
‘Aql ke kaantay pe asrar-e nahan tulne lage
Leelay-e afkar ke band-e qaba khulne lage
Theekron mein tabish-e taaj-e kiyaani aa gayi
Phir zameen mein aab o taab-e aasmani aa gayi
Az sar-e naw khoon-e hasti mein rawani aa gayi
Misr phir jhooma, Zuleikha par jawani aa gayi
Leelay-e afaq par barna-ian chhanaiin lagein
Shaahid-e itlaaq ko angrai-ian aanay lagein
Fikr ki kliyon ko zehno mein chatakna aa gaya
‘Andaleeb-e muhr bar lab ko, chahakna aa gaya
Bazm-e hoo mein jaam-e wahdat ko khanakna aa gaya
Shaakh ko hilna, sanobar ko lachakna aa gaya
Leelay-e husn-e takallum ko ‘amari mil gayi
Khisro-e ma’na ko lafzon ki sawari mil gayi
Kakul-e lelay-e fitrat ko sanwarna aa gaya
Shaana-e khuban pe zulfon ko bikharna aa gaya
Ilm ke lehje ko roohon mein utarna aa gaya
Nutq ko alfaaz ki soorat ubharna aa gaya
Choomne haft aasman paaye zameen aanay lage
Tohfa yazdaan liye rooh ul-amin aane lage
Bint-e jodat ko qaba ke band kasna aa gaya
Abr-e naisaan ko gulistaan par barasna aa gaya
Dasht gulshan ban gaye, shehron ko basna aa gaya
Paa-ba-gil nakhl-e tamanna ko ukasna aa gaya
‘Arsh ki tanweer se ma’mur farsh-e khaak hai
Aashna husn-e tamaddun se, khas o khashak hai
Khaima’-e danishwari mein ‘ood sulgaya gaya
Zamzamoon ka, motiyon ka, abr barsaya gaya
She’r o naghma ko haseen aahang par laya gaya
Hoor ko wajd aaye jis par raag woh gaya gaya
Nau ‘aroor-e zehan ko rang-e hina sajne laga
Zindagi jhoomiin kadhe se jab chhuda bajne laga
Jannat-e idrak-e insani ke dar kholay gaye
‘Aql ki meezan pe anwaar-e hikm tolay gaye
Farsh-e danaii’ pe hikmat ke guhar rolay gaye
Deedah-e fitrat mein rang afkar ke gholay gaye
Zarbat-e haq se, zalalat ka manara gir gaya
Sheytanat ki aag par dam bhar mein paani pher gaya
Aagahi ke baam par oodi ghata chhanay lagi
Zulf ‘ilm o fikr ke shaane pe lehrane lagi
Shahpar-e Jibrailؑ ki mehki hawa aanay lagi
Lo, kamar Zohra ki lachki, mushtari ganay lagi
Zamzame sahn-e hunarmandi pe barsaye gaye
Murkion ko motiyon ke haar pehnaye gaye
Kashtie daryaa-e danaii ko langar mil gaya
‘Ilm ki devi ko asha’on ka zevar mil gaya
Haath ko kangan mila, maathe ko jhoomar mil gaya
Mawje guftaar ko andaaz-e kausar mil gaya
Teeragi mein daulat-e baidar paida ho gayi
‘Ilm ki pazeb mein jhankaar paida ho gayi
No’-e insani ko andaaz-e takallum aa gaya
Woh takallum, jis se baatoin mein tahakkum aa gaya
Woh tahakkum, jis se lehjoiin mein tarannum aa gaya
Woh tarannum, jis se maujon mein talatum aa gaya
Woh talatum, jis se paighaam-e saba aanay laga
Woh saba, jis mein par-e Jibrailؑ lehrane laga
Fitrati har shai mein maulaii mehak paida hui
Phool ke lehje mein bhanwaray ki bhinak paida hui
Konpalon mein boo, hawaon mein sung paida hui
Badalon mein goonj, gardoon par dhanak paida hui
Zulf-e imaan, shaana’e hasti pe lehrane lagi
Zindagi eiqaan o aagahi pe ithlaane lagi
Na khuda-e kashtie juda o karam paida hua
Nazish-e tauqeer-e arbaab-e hummat paida hua
Khisro-e iqleem-e qirtaas wo qalam paida hua
Pasbaan-e ‘izz o naamoos-e haram paida hua
Gulshan-e itlaaq se baad-e bahari aa gayi
Juzo ke maidan mein, kul ki sawari aa gayi
Khatim-e naamoos-e hikmat ka nageem paida hua
Janasheen-e anbiya o mursalin paida hua
Qaasim ‘irfan o iman o yaqin paida hua
Iftikhaar-e awwaleen o aakhireen paida hua
Apni roo mein sinkron dur hai jaan rolay huye
Subha haazir ho gayi ghungat ke pat kholay huye
Ashja’ aalam, khateeb-e nukta-war paida hua
Shaarih-e ilm-e nabiؐ, sahib nazar paida hua
Bahr-e ‘irfan-e ilahi ka guhar paida hua
Mufti’i daana, faqih-e mo’tabar paida hua
Barbat-e saut o sada mein zero bam paida huye
Phir nigaar-e ilm ki zulfon mein kham paida huye
Aasman-e haq pe bijli ki chamak paida hui
Dil mein insaan ke, sidqat ki dhamak paida hui
Janib-e khursheed zarroon mein humk paida hui
Chehra’-e nah’jul balaaghat par damak paida hui
Zindagi paimana-e asrar ko bharti hui
Khaima’-e hikmat mein dar aayi, nirt karti hui
Abr-e hikmat ban ke kasht-e jahl par chhaata hua
Har taraf barhta humakta aur lehrata hua
Phoolta, phalta, mehkta, phool barsata hua
Goonjta, girhta, garajta, jhoomta, gata hua
Aa gaya rooh al-aminؐ ilm par tolay huye
But kadon ko thodta, ka’beka dar kholay huye
Rooh-e paighambarؐ ki thi zaat-e Ali aaeenah daar
Woh Ali, jis se hai gulzar-e nabuwat pur bahaar
‘Ilm ka dar mulk-e qirtaas wo qalam ka shahriyaar
‘Askariyat ka paighambar, ‘ilm ka parwardigaar
Jis ke zouq-e joud par, fazl o ‘ata ko naaz hai
Jis ke andaaz-e shu’ja’at par, Khuda ko naaz hai
Ran mein yeh soorat ke jaise gheyz mein sher-e ziyan
Teigh dar dast o rajaz khwa, zarb uski be amaan
Aasman geer o zameen koob o ‘adoo sooz o dawah
Shola-reez o barq baar o shab-sawaar o subhaar
Tosan-e chalaak se farsh-e zameen ko rondta
Barq ke manand lehrata, lepata, kondta
Woh Ali, mashhoor hai jis ka yeh qoul mustataab
"Ya fata la tubtil al-Awqat fi ‘ahd-e shabab"
Gohar-e khud-agahi az bahr-e ‘irfanash biyab
Ijta bib ma yuf’iq al-tashaykik fi amr-e sawab
Adamiyat ka jahan mein bol bala kar diya
Bandah na-chiz ko adhni se a’ala kar diya
Masnad aaraaye sareer-e ma’refat, sihr-e-rasool
Walid-e sabtain o jaan-e auliya, zawj-e Batool
Ja’far-e tayyaar ka bazoo, abu Talib ka phool
Sab se pehle jis ne pachpan mein kia imaan qubool
Dhoondli jis ne haqeeqat us ke qibl o qaal ki
Dho gaya hai woh, siah’ naama-e amaal ki
Ae shikoh-e nah’ sepih’r! Ae ‘azmat-e loh o qalam
Dashtgeer-e be kasaan, daraaye gyhaan-e karam
Muqtada, Najm-ul-huda, she’r-e Khuda, shams-ul-Zulm
Mamb’a-e bazl o sakha, tanweer-e ‘irfaan o hikm
Sang par daali nazar, la’l-e badakhsha kar diya
Tu ne zulmat mein qadam rakha, charaghan kar diya
Aashkaaraa tujh pe ki, Allah ne har ek shaey
Naam se tere dhalta hai dil-e dara o kay
Hauz-e kausar ki chhalakti hai tere saghar se maey
Faateh-e Room o Samarkand o Tatar o Sham o ray
Kaun thehre ga, imam-ul-auliya ke saamne
Ba adab ahl-e safa hain, murtaza ke saamne
Muddatoon roti hai chashm-e hasrat-e ahl-e chaman
Saaluha rahte hain geryan, deeda charkh-e kunhan
Phir nazar aata hai aisa ek nakhl-e gul badan
"Baa Yazeed andar Khorasaan, ya Owais andar Qarn"
Zindagi rahti hai barson, ghowta zan dar khaak o khoon
"Ta ze bazm-e ‘Ishq, yak danayi raaz aayad beroon"
Ae khudravaandan-e daulat! Khisroaan-e kajkalaah
Ta be ke yeh arzu-e tumturaaq o hubb-e Jaah
Kardiya hai tum ko duniya ki mohabbat ne tabah
Dushman-e Deen-e mubeen ho, kufr ke ho khair khwaah
Ka’aba hai ewaan-e hikmat, qasr-e daulat dayr hai
Danish o daynaar mein bahem azal se bair hai
Jahl se kab tak uthao ge tabiyat ka khameer
Tab ke teenat ko rakho ge zalalat ka aseer
Tab ke zinda raho ge tum jahan mein be zameer
Hashr tak rehna hai kya duniya ki nazron mein haqeer?
Tab ke dastaar apnon ki uchhaali jaye gi
Apni ‘izzat ghair ki jholi mein dali jaye gi
Hum hain ahl-e fun, humein koi mita sakta nahi
Koi in oonche manaaaron ko gira sakta nahi
Koi hum ahl-e khird ke sar jhuka sakta nahi
Koi danish ke chiraaghon ko bujha sakta nahi
Sar-nago hai khisrawi ahl-e hikm ke saamne
Gardanm-e Shamshir jhukti hai, qalam ke saamne
Hum hain rindaan-e haq agaah sharaafat aashna
Tabe'at-e ‘aali se humaari, door hai hirs o hawa
Hai siraat-e mustaqeem apne liye raah-e Khuda
Hashr bar haq, shafi’ mahshar Muhammad Mustafaؐ
Hai tah-e dil se Naseer Aal-e-Muhammad par nisaar
La fata illa Ali, la saif illa Zulfiqar