Hum Madine Mein Tanha Nikal Jaenge Aur Galiyon Mein Qasdun Bhatak Jaenge

Hum Madine mein tanha nikal jaenge aur galiyon mein qasdun bhatak jaenge

Hum wahan ja ke wapas nahi aenge ' dhondtay dhondtay log thak jaenge

Faslon ko takalluf hai hum se agar hum bhi bebas nahi be sahara nahi

Khud unhi ko pukareinge hum door se ' raste mein agar paon thak jaenge

Meri be noor aankhon pe mat jaiye ' rehnumai ki zehmat na farmaiye

Jab uthay gi udhar woh nigah-e-karam ' raste taiba manzil chamak jaenge

Jaise hi sabz gunbad nazar aey ga ' bandagi ka qareena badal jaega

Sar jhukanay ki fursat milegi kise khud hi palkon se sajde tapak jaenge

Ae Madine ke zaair khuda ke liye dastan-e-safar mujh ko yun mat suna

Baat barh jaegi ' dil tadap jaega ' mere mohtaat aansu chalak jaenge

Jab chale gi Madina se thandi hawa ' ghir ke jab aey gi oodi oodi ghata

Har taraf phool hi phool khil jaenge ' baam o dar nkhaton se mehak jaenge

Naam-e-Aaqaﷺ jahan bhi liya jaega ' zikr un ka jahan bhi kia jaega

Noor hi noor seenon mein bhar jaega ' sari mehfil mein jalwe lapak jaenge

Un ki chashm-e-karam ko hai is ki khabar ' kis musafir ko kitna hai shauq-e-safar

Hum ko Iqbal jab bhi ijazat mili ' hum bhi Aaqa ke dardaar tak jaenge