Falsafi! Tujh Ko Abas Dhun Hai Usay Panay Ki

Falsafi! Tujh ko abas dhun hai usay panay ki

Ho chuka jab ke teri aql ka sultan, mazool

Deedah-e-aql se dekh us ko na mard-e-nadan!

Ke dalail se ulajhna hai khird ka mamool

Aql to apni haqeeqat se bhi nawakif hai

Kya samajh paye usay, jo ke hai mafooq-e-aqool

Dai'e mashrab-e-tauheed zara ghor se sun

Shayad aa jaye tujhe raas ye harf-e-maqool

Sirf tauheed ka shaitaan bhi qa'il hai, magar

Shart-e-eeman hai Muhammad (S.A.W) ki itaat, ye na bhool

Amr-e-lazim hai ye har mard-e-musliman ke liye

Izzat-e-Aal (R.A), Hurmat-e-atbaa-e-rasool (S.A.W)

Saaf baatin hai to bhej un pe durood aur salaam

Warna main chhairun ga phir zikr-e-ubi ibn-e-sulool

Garmi-e-ishq-e-bilal-e-habshi (R.A) paida kar

Ke bane seena tera mahabat anwaar-e-rasool (S.A.W)