Falak Ke Nazaro Zameen Ki Baharo, Sab Eedein Manao Huzoor Aa Gaye Hain

Falak ke nazaro zameen ki baharo, sab eedein manao Huzoor aa gaye hain

Utho be saharo chalo gham ke marro khabar ye sunao Huzoor aa gaye hain

Anokha nirala wo zaishan aaya wo saare rasoolon ka Sultan aaya

Are kaj kalaho are badshaho nigahain jhukao Huzoor aa gaye hain

Hawa chaar su rehmaton ka basera ujala ujala subah subah

Haleema ko pohanchi khabar Amina ki mere ghar mein aao Huzoor aa gaye hain

Hawao mein jazbaat hain marhaba ke fizaon mein naghmaat sallallahu alayh ke

Duroodon ke kajre salaamon ke tohfe ghulamo sajao Huzoor aa gaye hain

Kahan mein Zahoori kahan un ki baatein karam hi karam hai ye din aur raatein

Jahan par bhi jao dilon ko jagao yehi kehte jao Huzoor aa gaye hain