Ek Be-Naam Ko A'zaaz-e-Nasab Mil Jaye
Ek Be-Naam Ko A'zaaz-e-Nasab Mil Jaye
Ek be-naam ko a'zaaz-e-nasab mil jaye
Kaash madaah-e-payambar ka laqab mil jaye
Meri pehchaan kisi aur hawale se na ho
Iqtidar-e-dar-e-sultan-e-arab mil jaye
Aadmi ko wahan kya kuch nahi milta hoga
Sangrezon ko jahan junbish-e-lab mil jaye
Kis zubaan se main teri ek jhalak bhi maangoon
Talab husn to hai husn-e-talab mil jaye
Ab to ghar mein bhi musafir ki tarah rehta hoon
Kya khabar izn-e-hazoori mujhe kab mil jaye
Ek pal ko bhi jo ho jaye tawajjo teri
Umar bhar ke liye milne ka sabab mil jaye
Raabta tujh se rahe par wo tareeki mein
Deeda-e-shauq ko bedari-e-shab mil jaye
Tu agar chhaap ghulami ki lagaade mujh par
Mujh gunahgar ko parwa na Rab mil jaye
De na qiston mein Muzaffar ko mohabbat apni
Jis qadar is ke muqaddar mein hai sab mil jaye