Dur Kar De Mere Aamaal Ki Kalak, Maalik!
Dur Kar De Mere Aamaal Ki Kalak, Maalik!
dur kar de mere aamaal ki kalak, maalik!
chamak uthe dil-e-taareek ki sahnak, maalik!
suno us haadi-e-barhaq ki sada, jis ka khayaal
deta rehta hai dar-e-zehn pe dastak, maalik!
"talab aqa ne hai farmaaya ghulaam apne ko"
mile paighaam kisi roz, achanak maalik!
munfarid hamd nigari ka ho mera sab se
nadira kaar, raza yafta maslak, maalik!
rahe aankhon me mwaajay ka bahishti maahol
wird mera ho 'rafana lak zikarak', maalik!
izn se tere mile un ki shafaat jis waqt
charon janib se sada aaye 'mubaarak', maalik!
haal-e-barzakh me rahe rooh meri asooda
teri rehmat se rahe qabr me thandak, maalik!
mile bakhshish ki naveed aur riaaz aise ki
loh e taqdeer badal jaye yaka yak, maalik!