Duniya Hai Aik Dasht To Gulzaar Aap Hain

Duniya hai aik dasht to gulzaar aap hain

Is teeragi mein matla-e-anwaar aap hain

Yeh bhi hai sach ke aap ki guftaar hai jameel

Yeh bhi hai haq ke saahib-e-kirdaar aap hain

Ho laakh aaftaab-e-qiyamat ki dhoop taiz

Mere liye to saaya-e-deewaar aap hain

Mujh ko kisi se haajat-e-chaara-gari nahi

Har gham mujhe azeez ke gham-khwaar aap hain

Insaan maal o zar ke junoon mein hai mubtala

Is hashr mein nadeem ko darkaar aap hain