Dukhtr-e-Barq-e-Ranj-o-Mehn Ban Ke Tan Har Badan Mein Ajal Ki Agan Ghol De
Dukhtr-e-Barq-e-Ranj-o-Mehn Ban Ke Tan Har Badan Mein Ajal Ki Agan Ghol De
Dukhtr-e-barq-e-ranj-o-mehn ban ke tan har badan mein ajal ki agan ghol de
Lashkron ka jigr cheer masti mein aa, zalzalon ki tarah ghn ghn ghol de
Munkron ke lahoo ki har aik mauj mein apne maathay ki har aik shikan ghol de
Apne ada ke sir aasman par ura, aab-e-dajla mein un ke kafn ghol de
Dek bazm-e-shujaat ka har tajwar, tere nazdeek hai aur mere paas hai
Yun larain, dushmanon ko gumaan tak na ho, yeh Ali lar raha hai ke Abbas hai
Maimena mein uter, maysara se ubhar, qalb-e-lashkar pe bijli gira jhoom kar
Dushmanan-e-Ali ke parkhche ura, in ki laashon ko dozakh ka maqsoom kar
Ab naqaben ulat kar palat de safain, har munafiq ka shajrah bhi maloom kar
Ban ke zehr-e-ajal aaj meydan mein dhal mere baba ke naqsh-e-qadam choom kar
Dek susti na kar maut ki hum safar har taraf se duaon ki barsaat hai
Teri har zarb par aaj Khyber shikan dad dene ko aaye to phir baat hai
Sab zaminein, shajar, bastiyan, rehguzar, raqs karti hawaeain, samundar tere
Aaj ki shab sitaron ke sab zayiqe, jugnuon ki qataron ke andar tere
Maut ki dewyan hain kaneezein teri, zindagi ke sajeele Sikander tere
Tere khaliq ki nusrat tere sath hai aur duago hamare Qalandar tere
Cheen le dushmanon ki yeh binaiyan roz-e-roshan mein naazil siyah raat kar
Zindagi kya hai khud maut paon pare aaj chingariyon ki woh barsaat kar
Sun, kisi ki na sun, aik hi dhun ko ban aur chun chun ke maghrur sir kaat de
Sansnati hui sab saron se guzar, waar seene pe kar aur jigr kaat de
Nok se rok le waqt ki gurdishain, dast-e-shaam o wajood-e-sehar kaat de
Aaj Jabreal bhi par bichae agar tu riaayat na kar iske par kaat de
Kibriya ka ghazab ban ke utra hoon mein mere chehre pe jazbaat ka rang hai
Mere qabze mein nabzain hain taqdeer ki mere tareekh ki awaaleen jung hai