Dilon Ka Shauq, Ruhon Ka Taqaza Gunbad-e-khazra

Dilon ka shauq, ruhon ka taqaza gunbad-e-khazra

Zamane ke nigahon ka ujala gunbad-e-khazra

Gulistan-e-jahan mein zindagi parwar bahar is ki

Sar-e-afaq lehrata sawera gunbad-e-khazra

Jo rang o bu ki duniya sar zameen-e-shehr-e-tayyaba hai

To khald-e-chashm o firdous-e-tamanna gunbad-e-khazra

Falah o kamrani ki basharat ahl e imaan ko

Gunehgaron ko rehmat ka ishara gunbad-e-khazra

Habib-e-kibriya saaye mein is ke mehwar-e-rahat hain

Do aalam mein isi bais hai yakta gunbad-e-khazra

Khuda ka shukar Taib ki nigahon ne bhi dekha hai

Woh har seene ke andar basne wala gunbad-e-khazra