Dil Tere Liye Jab Soye Muhammad ﷺ Nikla

Dil tere liye jab soye Muhammad ﷺ nikla

Roshni baantne bazu e Muhammad ﷺ nikla

Jab bhi duniya ki hawaien mujhe lene aayen

Orrh kar chadar khushbu e Muhammad ﷺ nikla

Mil gayi raah meri pyaas ko mere gham se

Dil me dooba to sar e jo e Muhammad ﷺ nikla

Door se jo dar e Ka'ba nazar aaya mujh ko

Paas jakar kham e abru e Muhammad ﷺ nikla

Lala o gul hi na the aap ke qadamoon ke nishaan

Chaand bhi halqa e gesu e Muhammad ﷺ nikla

Ishq ki rehl pe Quran jo khola maine

Har waraq aina roo e Muhammad ﷺ nikla

Nafs amara pe be khauf chadhai kar di

Mera ehsas bhi gabru e Muhammad ﷺ nikla

Hum Muzaffar ko samajhte the bohot hi kamtar

Woh sitam gar to sag e ko e Muhammad ﷺ nikla