Dil O Nigah Ki Dunya Nai Nai Hui Hai

Dil o nigah ki dunya nai nai hui hai

Durood prhhte hi ye kesi roshni hui hai

Main bas yunhi to nahi aagaya hun mehfil mein

Kahin se izn mila hai to hazri hui hai

Jahan e kun se udhar kya tha kaun jaanta hai

Magar wo noor ke jis se ye zindagi hui hai

Hazaar shukar ghulaman e shah e butha mein

Shuru din se meri hazri lagi hui hai

Baham the daman e rehmat se jab to chain se the

Juda hue hain to ab jaan par bani hui hai

Ye sar uthaye jo main ja raha hun jaanib e khuld

Mere liye mere aqa ne baat ki hui hai

Mujhe yaqeen hai wo aayenge waqt e aakhir bhi

Main keh sakunga ziarat abhi abhi hui hai