Dil Mein Hai Khayaal-e-rukh-e-nikoo-e-muhammad ﷺ

Dil mein hai khayaal-e-rukh-e-nikoo-e-Muhammad ﷺ

Allah ke ghar mein hai basi boo-e-Muhammad ﷺ

Kya rang tasawwur hai ke har saans se mil kar

Aati hai hawaaye chaman koo-e-Muhammad ﷺ

Le jaaye ajal jaan ki parwaah nahin mujh ko

Hai taar-e-rag-e-jaan mujhe har soo-e-Muhammad ﷺ

Aa jaaye nazar raah mein gar naqsh-e-kaf-e-paa

Aankhon se chaloon main taraf koo-e-Muhammad ﷺ

Tola hai bohat jaanch ke arbaab-e-nazar ne

Hain shams o qamar sang-e-taraazoo-e-Muhammad ﷺ

Al-bar hai, dil aaraam hai, dildaar hai woh dil

Jis dil mein hai yaad-e-rukh-e-diljoo-e-Muhammad ﷺ

Seene se lagaaon main ameer aankhon mein rakhoon

Hain phool mujhe khaar o khas koo-e-Muhammad ﷺ