Darood Us Par Ke Jis Ne Sar Bulandi Khaak Ko Bakhshi
Darood Us Par Ke Jis Ne Sar Bulandi Khaak Ko Bakhshi
Darood us par ke jis ne sar bulandi khaak ko bakhshi
Tajalla aadmi ki qarya e aaflaak ko bakhshi
Darood us par ke jo jamhooriyat ka deen laya tha
Jo logon ki bhalai ke liye logon mein aya tha
Darood us par ke jo jagirdari ka mukhalif tha
Jahan mein maal o zar ki shehar yari ka mukhalif tha
Darood us par ke jis ne sood farmaya bataai ko
Kaha jaaiz fiqat apni hi mehnat ki kamai ko
Darood us par kaha jis ne ke insaan sab barabar hain
Zameen pe sab lakeeren khenchnay wale sitamgar hain