Chamk Tujh Se Pate Hain Sab Pane Wale

Chamk tujh se pate hain sab pane wale

Mera dil bhi chamka de chamkane wale

Madine ke khitte khuda tujh ko rakhe

Ghariboon, faqeeron ko thehrane wale

Tu zinda hai wallah! Tu zinda hai wallah

Meri chashm-e-aalam se chhup jane wale

Haram ki zameen aur qadam rakh ke chalna

Are, sar ka mauqa hai o jane wale

Ab aayi shafaat ki saat ab aayi

Zara chain le mere ghabrane wale

Raza nafs dushman hai dao mein na ana

Kahan tumne dekhe hain chandrane wale