Bemisl Mustafa Se Ulfat Hai Murtaza Ki

Bemisl Mustafa se ulfat hai Murtaza ki

Sarkar-e-do jahan se qurbat hai Murtaza ki

Hasnain ke hain baba, shohar Batool ke hain

Phir kitni khoobsurat nisbat hai Murtaza ki

Jis ke Nabi hain Maula, us ke Ali hain Maula

As'hab mein juda hain azmat hai Murtaza ki

Kho li na aankh jab tak aaye na Shah-e-Alam

Roz-e-azal se aisi chahat hai Murtaza ki

Hain bahr ilm-o-hikmat Quran ke shanaver

Mushkil kashai karna adat hai Murtaza ki

Jangon mein goonjta hai Maula Ali ka naara

Dushman pe taari har pal haibat hai Murtaza ki

Mujh ko Wala-e-Haider warsay mein mil gayi thi

Sad shukar naaz dil mein nikhhat hai Murtaza ki