Be Khud Kiye Dete Hain Andaaz-e-Hijabana

Be khud kiye dete hain andaaz-e-hijabana

Aa dil mein tujhe rakh lun ae jalwa-e-janana

Itna to karam karna ae chashm-e-karimana

Jab jaan labon par ho tum samne aa jana

Kyun aankh milai thi kyun aag lagai thi

Ab rukh ko chhupa baithe karke mujhe deewana

Zahid mere qismat mein sajde hain isi dar ke

Chhota hai na chhotega sang-e-dar jananan

Kya lutf ho mahshar mein main shikwe kiye jaun

Woh hans ke kahe jayein deewana hai deewana

Saqi tere aate hi yeh josh hai masti ka

Shene par gira sheesha paimane pe paimana

Maloom nahi baydham main kaun hoon aur kya hoon

Yun apnon mein apna hoon beganon mein begana