Bartarr Qias Se Hai Maqam-e Abul Hussain
Bartarr Qias Se Hai Maqam-e Abul Hussain
Bartarr qias se hai maqam-e Abul Hussain
Sidra se poochho rif'at-e bam-e Abul Hussain
Warasta paye basta-e daam-e Abul Hussain
Azad naar se hai ghulam-e Abul Hussain
Khat-e siah mein noor-e ilahi ki tabishe
Kya subh-e noor baar hai shaam-e Abul Hussain
Saqi suna de sheesha-e Baghdad ki tapak
Mehki hai boo-e gul se madam-e Abul Hussain
Boo-e kabaab sokhta aati hai maikasho
Chhalka sharab-e chishtt se jaam-e Abul Hussain
Gulgoon sehr ko hai seher sooz-e dil se aankh
Sultaan-e Suhraward hai naam-e Abul Hussain
Kursi nasheen hai naqsh murad unke faiz se
Moula-e naqsh band hai naam-e Abul Hussain
Jis nakhl-e paak mein hain chheyaliss dalian
Ik shaakh un mein se hai banaam-e Abul Hussain
Maston ko aye Kareem bachaaye khumaar se
Ta door hashrr dorra-e jaam-e Abul Hussain
Unke bhale se laakhon ghareebon ka hai bhala
Yaarabb zamaana baad bikaam-e Abul Hussain
Mela laga hai shaan-e maseehha ki deed hai
Murde jila raha hai khraam-e Abul Hussain
Sargashhta mehr o mah hain parr ab tak khula nahi
Kis charkh par hai mah tamam-e Abul Hussain
Itna pata mila hai ke yeh charkh Chanbari
Hai haft paaya zeena-e bam-e Abul Hussain
Zarra ko mehr, qatra ko dariya kare abhi
Gar josh zan ho bakhshish aam-e Abul Hussain
Yahya ka sadqa vaaris-e iqbal mand paaye
Sajjada-e shuyookh karam-e Abul Hussain
Inaam lein bahaar-e jinan tahniyat likhein
Phoolay phale to nakhl-e maraam-e Abul Hussain
Allah hum bhi dekh lein shehzada ki bahaar
Soonghe gul-e murad mashaam-e Abul Hussain
Aaqa se mere suthre miyan ka hua hai naam
Is achhe suthre se rahe naam-e Abul Hussain
Yaarabb wo chaand jo falak-e izz o jaah par
Har sair mein ho gaam bagaam-e Abul Hussain
Aao tumhein halaal sepehr sharaf dikhayein
Gardan jhukayein bahr salaam-e Abul Hussain
Qudrat Khuda ki hai ke talatam kan'aan uthi
Behr fanaa se mauj-e dawaam-e Abul Hussain
Yaarabb humein bhi chaashni is apni yaad ki
Jis se hai shakkarin lab o kaam-e Abul Hussain
Haan taal'e raza teri Allah re yawari
Aye bande-e judood karam-e Abul Hussain