Bane Hain Donon Jahan Shah-e-Dosra Ke Liye

Bane hain donon jahan Shah-e-Dosra ke liye

Saji hai mehfil konain Mustafa ke liye

Zuban ko is liye sheerinai bayan mili

Zuban hai muddat-e-mehboob-e-Kibriya ke liye

Gaday-e-koochay-e-Madina hoon kis ka munh dekhon?

Unhi ki bakhshishain kafi hain mujh gada ke liye

Unhi ko lazat-e-ishq-e-Nabi mili, ke jinhein

Azal mein chun liya qudrat ne is ata ke liye

Mere Kareem! Mere charah saz o banda nawaz

Tadap raha hoon tere shehar ki hawa ke liye

Faraz-e-Toor pe wo be naqab kyun hote?

ke Aashna ki tajalli thi aashna ke liye

Huzoor noor hain Mahmud hain Muhammad hain

Jagah jagah naye unwan hain sana ke liye

Unhi ka zikr, unhi ka bayan, unhi ka naam

Har ibtida ke liye hai har inteha ke liye

Ajeeb nasha-e-benaam sa hua mehsoos

Zuban jab bhi khuli hai teri sana ke liye