Banda Qadir Ka Bhi Qadir Bhi Hai Abdulqadir

banda qadir ka bhi qadir bhi hai abdulqadir

sar-e-batin bhi hai zahir bhi hai abdulqadir

mufti-e-shar'a bhi hai qazi millat bhi hai

ilm-e-asrar se maahir bhi hai abdulqadir

manba-e-faiz bhi hai majma-e-afzal bhi hai

mehr arfan ka munawwar bhi hai abdulqadir

qutb abdal bhi hai mehwar-e-irshad bhi hai

markaz-e-daira-e-sirr bhi hai abdulqadir

silk-e-irfan ki diya hai yehi dur-e-mukhtar

fakhr-e-ashbah o nazair bhi hai abdulqadir

is ke farmaan hain sab sharih-e hukm-e-shar'a

mazhar-e-nahi o amar bhi hai abdulqadir

zi tasarruf bhi hai mazon bhi mukhtar bhi hai

kaar-e-aalam ka mudabbir bhi hai abdulqadir

rashk-e-bulbul hai raza lala sad dagh bhi hai

aap ka wasif o zakir bhi hai abdulqadir