Ban Ke Khair Ul Wara Agaye Mustafa Hum Gunahgaaro Ki Behtri Ke Liye

Ban ke khair ul wara agaye Mustafa hum gunahgaaro ki behtri ke liye

Ek taraf bakhshishein ek taraf jannatain kaise inaam hain ummati ke liye

Char su rehmaton ki hawaayein chalein ho gayi jis se saari faza dilnashin

Muskurayo sabhi agaye hain Nabi gham ke maaro tumhari khushi ke liye

Chaand do ho gaya jo nahi ungli uthi sooye sooraj ne bhi aankh thi khol di

Khoti qismat meri wo jo kar dein khari kya yeh mushkil hai mere Nabi ke liye

Chain se zindagani guzar jaaye gi be kasi khud hi maut apni mar jaaye gi

Ae Shafi e Umm apna deide jo gham hai yeh kaafi meri zindagi ke liye

Dil ka toota hua aaina jor de ghair ki ashnai se munh mor de

Apna sajdon ka jo ek nishaan chhod de wo jabin chahiye bandagi ke liye

Halkay halkay jo dil ko surur aaye hain bazm mein kamli walay zarur aaye hain

Haath phelao kashkol le kar sabhi bat rahe hain karam har kisi ke liye

Samne hon wo gunbad ki haryaliyan choom loon aap ke rozay ki jaaliyain

Ae mere charah gar kar de mujh par nazar kab se bechain hoon hazri ke liye

Data Hajveri, Lathani, Mehr Ali, Khwaja Hindal Wali Bahu Ghaus Jali

Kaise kaise diye mere mehboob ne yeh lene humein roshni ke liye

Jis ke lab par raha ummati ummati yaad unki na bhulo Niazi kabhi

Wo kahen "ummati" to bhi keh ya Nabi main hoon haazir teri chakri ke liye